ابوظہبی : متحدہ عرب امارات نے اسرائیلی وزیر اعظم بنجمن نیتن یاہو کی اس بیان پر سرزنش کردی جس میں اسرائیلی رہنما نے کہا کہ خلیجی ریاست جنگ کے بعد غزہ میں مستقبل کی حکومت کی مدد میں شامل ہو سکتی ہے۔اخبار میں شائع خبر رساں ادارے ’رائٹرز‘ کی رپورٹ کے مطابق ممتاز اور با اثر خلیجی ریاست ان چند عرب ریاستوں میں سے ایک ہے جن کے اسرائیل سے باضابطہ سفارتی تعلقات ہیں اور جسے انہوں نے غزہ میں اسرائیل کی 6 ماہ سے زیادہ کی جنگ کے دوران برقرار رکھا ہے، تاہم اب ایسا لگتا ہے کہ تعلقات کشیدہ ہو چکے ہیں۔وزیر خارجہ شیخ عبداللہ بن زید النہیان نے ہفتے کو ایکس پر صبح سویرے ایک پوسٹ میں نیتن یاہو کی سرزنش کرتے ہوئے کہا کہ ابوظہبی نے اسرائیلی رہنما کے تبصروں کی مذمت کردی ہے۔انہوں نے ایک عربی پوسٹ میں کہا کہ متحدہ عرب امارات اس بات پر زور دیتا ہے کہ اسرائیلی وزیر اعظم کے پاس یہ قدم اٹھانے کی کوئی قانونی صلاحیت نہیں ہے۔
