نئی دہلی : کانگریس نے بی جے پی کے رکن پارلیمنٹ نشی کانت دوبے کے اس بیان کو جھوٹا قرار دیا ہے جس میں انہوں نے منگل کو لوک سبھا میں کہا تھا کہ کانگریس کی جنرل سکریٹری پرینکا گاندھی واڈرا نے صنعت کار مکیش امبانی کے بیٹے کی شادی میں شرکت کی تھی۔کانگریس پارٹی نے دوبے کے اس بیان کو کھلا جھوٹ قرار دیا اور واضح کیا کہ امبانی کے بیٹے کی شادی کے دن پرینکاملک میں نہیں تھیں۔ بی جے پی کے رکن پارلیمنٹ نے ایوان میں جھوٹ بولا ہے اور انہیں اس جھوٹ کے لیے عوامی طورپر معافی مانگنی چاہیے ۔پارٹی کے کمیونیکیشن ڈپارٹمنٹ کے سربراہ پون کھیڑا نے کہاکہ آج ایک بی جے پی ایم پی نے لوک سبھا میں سر عام جھوٹ بولا۔
