چینائی ۔ٹاملناڈو کے وزیراعلی ای کے پلانی سوامی نے ہفتے کو مرکزی حکومت سے اپیل کی کہ وہ آخری سمسٹر کے امتحانات کا انعقاد کروانے کے سلسلے میں ریاستوں کو اپنی سطح پر کام کرنے دے ۔ انہوں نے کورونا وائرس کے معاملوں میں اضافے کے پیش نظر ستمبر مہینے میں آخری سیمسٹر کے امتحانات کرانے میں پریشانی کا اظہار کیا اور مرکزی حکومت سے اپیل کی کہ وہ تعلیم کے معیار اور اکاڈمک شفافیت سے سمجھوتہ کئے بغیر ریاستوں کو اپنے طریقے سے حالات کا جائزہ لینے کی اجازت دے ۔وزیراعلی نے مرکزی انسانی وسائل کی ترقی کے وزیر رمیش پوکھریال نشنک کو روانہ کردہ مکتوبمیں کہا ہے کہ ملک کی کئی ریاستوں نے آخری سمسٹر کے امتحانات کا انعقاد نہ کرانے کا فیصلہ کیا ہے ۔انہوں نے کہا،‘‘کریئر کے مواقع ،مستقبل کے امکانات بڑھانے کے ساتھ ہی طلبہ کی صحت،سلامتی،شفافیت اور برابری کے موقع کے اصولوں کو یقینی بنایا جانا چاہئے ۔انہوں نے ڈاکٹر نشنک سے یونیورسٹی گرانٹ کمیشن (یو جی سی)،آل انڈیا کونسل فار ٹیکنیکل ایجوکیشن(اے آئی سی ٹی ای)،انڈین فارمیسی کونسل(پی سی آئی)،نیشنل کونسل فارٹیچر اینڈ ایجوکیشن(این سی ٹی ای)،نیشنل ہوٹل مینجمنٹ کونسل اور کیٹرنگ ٹیکنولوجی جیسے اعلی تعلیمی اداروں سے متعلق ریاستوں کے فیصلے کو نافذ کرنے کیلئے ہدایت دینے کی اپیل کی ہے ۔
