نیویارک : اقوامِ متحدہ کے سیکریٹری جنرل انتونیو گوتیرس نے امدادی ادارے اونروا کیلئے فنڈنگ جاری رکھنے کی درخواست کر دی۔انتونیو گوتیرس نے کہا ہے کہ مختلف ممالک کے خدشات کو سمجھتا ہوں، میں خود ان الزامات سے خوفزدہ تھا۔سیکریٹری جنرل اقوامِ متحدہ کا کہنا ہے کہ انتہائی خطرناک حالات میں موجود دیگر انسانی ہمدردی کے کارکنوں کو سزا نہیں دی جانی چاہیے۔خبر کے مطابق سیکریٹری جنرل اقوامِ متحدہ نے امدادی ادارے اونروا کے 12 ملازمین کے خلاف تحقیقات کی تصدیق کر دی ہے ۔واضح رہے کہ اسرائیل پر حملے کے الزام کے بعد امریکہ نے اقوامِ متحدہ کے امدادی ادارے اونروا کی فنڈنگ روکنے کا اعلان کر دیا ہے۔