نئی دہلی:سپریم کورٹ نے کو آندھرا پردیش ہائی کورٹ کی طرف سے امراوتی اراضی اسکام سے متعلق ایف آئی آر پر میڈیا رپورٹنگ اور سوشل میڈیا کے تبصروں پر عائد پابندی کو ختم کردیا ہے ۔جسٹس اشوک بھوشن ، جسٹس آر کے ۔ سبھاش ریڈی اور جسٹس ایم آر۔ شاہ کی بنچ نے آندھراپردیش حکومت کی خصوصی عذرداری (ایس ایل پی) کی سماعت کی جس میں میڈیا رپورٹنگ پر ہائی کورٹ کی پابندی ختم کردی گئی۔تاہم، بنچ نے امراوتی اراضی اسکام میں درج ایف آئی آر کی تحقیقات سے متعلق ہائی کورٹ کے روکنے کے آرڈر میں مداخلت سے انکار کردیا۔عدالت نے معاملے کی سماعت جنوری 2021 میں کرنے کا فیصلہ کیا ہے اور اس دوران متعلقہ فریقوں کو جوابی حلف نامہ دائر کرنے کا حکم دیاہے۔
