حیدرآباد: اے پی کے دارالحکومت امراوتی کی منتقلی کے خلاف دارالحکومت کے تحفظ کیلئے جاری تحریک کا احتجاج 200ویں دن میں داخل ہوگیا۔ایک ریاست اور ایک دارالحکومت کے نعرہ کیساتھ شروع کئے گئے اس احتجاج کے 200دن کی تکمیل کے موقع پر بھوک ہڑتال کی گئی۔وجئے واڑہ کے آٹو نگر میں جے اے سی کے دفتر کے قریب یہ بھوک ہڑتال کرتے ہوئے امراوتی کے تحفظ کے لئے اپنی جانون کو قربان کرنے والے کسانوں،مزدوروں کو خراج پیش کیاگیا۔دارالحکومت کے تحفظ کیلئے تشکیل دی گئی سمیتی کی جانب سے کی گئی اس بھوک ہڑتال میں جے اے سی کے کئی لیڈروں نے شرکت کی اور اس تحریک کے دوران جانوں کی قربانی دینے والوں کی خدمات کو بھرپورخراج عقیدت پیش کیا۔ اس موقع پر سی پی آئی کے ریاستی سکریٹری راما کرشنا نے کہاکہ وزیراعلی وائی ایس جگن موہن ریڈی اس احتجاج پر ردعمل ظاہر کریں۔دارالحکومت کے کسانوں سے 13اضلاع کے عوام نے یگانگت کا اظہار کیا ہے ۔
