بیجنگ، 5 ستمبر (سیاست ڈاٹ کام) چین کے نائب وزیر اعظم لیو ہی نے جمعرات کو کہا کہ امریکہ اور چین اکتوبر میں اگلے مرحلے کے تجارتی مذاکرات کے لئے رضامند ہو گئے ہیں۔مسٹر لیوہی نے امریکہ کے وزیر مالیات اسٹیون نیوچن اور تجارتی نمائندے رابرٹ لائٹ ہائزر کے ساتھ آج ٹیلی فون پر بات چیت کی۔ انہوں نے کہا دونوں فریق تجارتی تنازعہ کو حل کرنے کے لئے اکتوبر کے آغاز میں واشنگٹن میں اگلے مرحلے کے تجارتی مذاکرات منعقد کرنے پر متفق ہو گئے ہیں۔اس سے قبل کی رپورٹ میں دو طرفہ تجارتی تنازعہ کے حل کے لئے 13 ویں مرحلے کی بات چیت ستمبر میں کرنے مشورہ دیا گیا تھا۔ اس سے پہلے شنگھائی میں جولائی میں دونوں ممالک کے درمیان بات چیت ہوئی تھی۔