کابل ۔22فبروری ۔(سیاست ڈاٹ کام) جنگ زدہ افغانستان میں امریکہ اور طالبان کے درمیان تشدد میں کمی کے اطلاق کا سلسلہ شروع ہوگیاہے ۔ افغان صدر اشرف غنی کا کہنا ہے کہ طالبان کی جانب سے تشدد میں کمی کے آغاز کیلئے رات 12 بجے کا وقت مقرر تھا۔افغان صدر نے کہا کہ ہمیں محتاط انداز اپنانا ہوگا، ہماری فورسز صورتحال کو سنجیدگی سے لے رہی ہیں، طالبان کے علاوہ القاعدہ، داعش اور دیگر گروہوں کے خلاف کارروائیاں جاری رہیں گی۔اس سے قبل امریکی وزیرخارجہ مائیک پومپیو کا کہنا تھا کہ طالبان کے ساتھ افغانستان بھر میں تشدد کے واقعات میں کمی پر اتفاق ہوگیا ہے ۔
