واشنگٹن : ترجمان امریکی محکمہ خارجہ میتھیو ملر نے کہا ہے کہ پاکستان میں آزادانہ، منصفانہ انتخابات کی حمایت جاری رکھیں گے، اس حوالے سے دو طرفہ بات چیت جاری رہتی ہے۔ واشنگٹن میں پریس بریفنگ کے دوران میتھیو ملر نے کہا کہ پاکستان میں کسی سیاسی جماعت پر کوئی پوزیشن نہیں لیتے، پاکستانی عوام کے منتخب قائدین کے ساتھ بات چیت کرتے ہیں۔ ان کا کہنا تھا کہ پاکستانی آرمی چیف محکمہ خارجہ اور پنٹگان سمیت دیگر عہدیداروں سے ملاقات کے لیے واشنگٹن میں تھے۔ میتھیو ملر نے مزید کہا کہ پاکستان امریکہ کا ایک بڑا نان ناٹو اتحادی اور ناٹو پارٹنر ہے، پاکستان کے ساتھ علاقائی سلامتی اور دفاعی تعاون پر شراکت کے منتظر ہیں۔
