واشنگٹن اور ابو ظہبی نے پیر کے روز اعلان کیا ہے کہ دونوں مملکتوں نے اس امر پر اتفاق کیا ہے دونوں اب میجر ڈیفنس پارٹنر ہوں گی۔متحدہ عرب امارات کو میجر ڈیفنس پارٹنر کا درجہ دینے کے لیے سابق صدر جوبائیڈن کے دور میں پچھلے سال نامزد کیا گیا تھا۔ اب دونوں ملکوں نے اس سلسلے میں باضابطہ اتفاق کیا ہے۔اس سلسلے میں خواہش کے اظہار کے لیے ایک خط پر امارات کے وزیر مملکت برائے دفاعی امور محمد مبارک المزروئی اور پینٹاگون کے سربراہ پیٹ ہیگستھ نے پچھلے ہفتے دستخط کیے تھے۔اس خط کی رو سے اس خواہش کا اظہار ہوتا ہے کہ دونوں ملک اس کمٹمنٹ کو شیئر کرتے ہیں کہ وہ ایک روڈ میپ پر متفق ہیں جو دونوں ملکوں کے درمیان فوجی و دفاعی تعاون بڑھانے کے لیے رہنمائی کرے گا۔ نیز طویل مدتی دفاعی روابط دونوں ملکوں کے درمیان جاری رہیں گے۔اس دستخط شدہ خط کے مطابق دونوں طرف سے مرحلہ وار بنیادوں پر ایک فریم ورک تشکیل دیا جائے گا جو دفاعی شعبے میں جدت کی بنیاد پر ہونے والی پیش رفت کو باہمی اشتراک سے بڑھائے گا۔امریکہ کے وزیر دفاع پیٹ ہیگستھ نے اس موقع پر دونونں ملکوں کے درمیان ایک سٹریٹجک انیشیٹو کا بھی اعلان کیا ہے۔ جسے یو ایس ڈیفنس ائنوویشن یونٹ اور امارات کی توازن کومسل دیکھے گی۔تاکہ دونوں ملک میں فوجی و دفاعی ریسرچ اور اختراع کے فوجی میدان میں باہمی تعاون کو فروغ دیا جائے گا۔ اس اتفاق کے نتیجے میں دوطرفہ دفاعی شعبے میں سرمایہ کاری بھی شامل ہوگی۔اس سلسلے میں جاری کیے گی بیان میں یہ بھی کہا گیا ہیکہ پارٹنر کے طور پر نامزد کرنا باہمی اعتماد، مشترکہ مقاصد اور علاقائی اور عالمی سلامتی کے لیے مشترکہ عزم پر مبنی دہائیوں پر محیط تعلقات کا عکاس ہے۔
