میکسیکوسٹی: میکسیکو کے بارڈر سے امریکہ میں داخل ہونے والے پناہ گزین بچوں کی تعداد میں اس سال جنوری سے زبردست اضافہ دیکھنے میں آیا ہے۔ اقوام متحدہ کے بچوں کی بہبود کے ادارے یونیسیف کا کہنا ہے اس سال کے پہلے تین ماہ میں یہ تعداد 380 سے بڑھ کر 3500 تک جا پہنچی جو 9گنا اضافہ ہے۔ ادارے کے مطابق میکسیکو اور امریکہ کی سرحد پر قائم کیمپوں کی حالت ناگفتہ بہ ہے اور وہاں مہاجر خاندانوں کے ساتھ مزید بچے رکھنے کی گنجائش نہیں۔ یونیسیف کے مطابق امریکہ میں پناہ کے متلاشی تارکین وطن کی اکثریت کا تعلق ہَنڈوراس، گوئٹے مالا، السلواڈور اور میکسیکو جیسے ملکوں سے ہے اور ان میں 30 فیصد تعداد بچوں کی ہے۔