واشنگٹن : امریکی وزیر خارجہ انٹونی بلینکن نے واضح کیا ہے کہ ان کا ملک ایران کے ساتھ نیوکلیئر سمجھوتے کو مضبوط بنانا چاہتا ہے اوراس میں توسیع بھی چاہتا ہے۔ بلینکن نے یہ بات جنیوا میں اقوام متحدہ کے زیراہتمام ہتھیاروں کے عدم پھیلاؤ سے متعلق کانفرنس میں پہلے سے ریکارڈ تقریر میں کہی ہے۔انھوں نے کہا:’’امریکہ بدستور اس بات کو یقینی بنانے کیلئے پْرعزم ہیکہ ایران کبھی نیوکلیئر ہتھیار حاصل نہ کرے مگراس مقصد کو سفارتکاری ہی کے ذریعے حاصل کیا جاسکتا ہے۔‘‘انھوں نے کہا:’’صدر جو بائیڈن یہ کہہ چکے ہیں کہ اگر ایران 2015ء میں طے شدہ نیوکلیئر سمجھوتے کی سخت پاسداری کرے تو ان کی انتظامیہ بھی ایسا کرے گی۔‘‘انٹونی بلینکن نے اپنی تقریر میں مزید کہا کہ ’’ہم اپنے اتحادیوں اور شراکت داروں کے ساتھ مل کر مشترکہ جامع لائحہ عمل (ایران سے نیوکلیئر سمجھوتے) کو مضبوط بنانا چاہتے ہیں ۔ان میں ایران کا خطے میں تخریبی کردار ،بیلسٹک میزائلوں کی ترقی اور پھیلاؤ شامل ہے۔‘‘اسرائیل کے مستقبل کیلئے دو قومی حل بہتر ہے۔ اسرائیل فلسطین کی لڑائی کو ختم کرنے کیلئے ضروری ہیکہ زیادہ سے زیادہ پرامن، محفوظ اور خوشحال خطہ تشکیل دیا جائے۔ بلینکن نے اسرائیل کے وزیرخارجہ گیاپی اسکنزے سے بات چیت کی اور زور دیا کہ بائیڈن انتظامیہ دو قومی حل پر یقین رکھتا ہے۔
