ماسکو : روسی وزیر خارجہ سرگی لاروف نے کہا ہے کہ امریکہ اور اس کے حلیف ممالک کا نیا استعماری نظام عالمی مالیاتی اداروں پر اپنا رسوخ استعمال کرنے میں مصروف ہے۔ لیوروف نے ماسکو میں منعقدہ روسی امور خارجہ کی بزنس کونسل میں شرکت کے دوران اس بات کا اظہار کیا۔ لاروف نے اس موقع پر کہا کہ امریکی زیر قیادت مغرب نے روک کے خلاف ہائی برڈ جنگ شروع کر رکھی ہے اور وہ پابندیوں کے بہانے روس کی ترقی میں خلل ڈالنے کی کوشش کر رہا ہے،اقتصادی لحاظ سے یہ جنگ ابھی جاری ہے، امریکہ اور اس کے حلیف ممالک نئے استعماری نظام کے استعمال اور امریکی طرز عمل کو عالمگیری حیثیت دلوانے کی کوشش میں ہیں جس سے دنیا کا تحفظ خطرے میں آچکا ہے۔آج کی دنیا میں متعدد ممالک واشنگٹں کے زیر اثر مالیاتی اداروں کے طریقہ کار سے متاثر ہیں اور غیر جانبداری سے دور نظر آتے ہیں لہذا رووس سمیت متعدد ممالک بیرونی تجارت کی ادائیگی میں متبادل زرمبادلہ کے استعمال کو ضروری سمجھتے ہیں۔ سرگی لاروف نے مزید کہا کہ اس کونسل اجلاس کے دوران اقتصادی شعبے میں روسی کمپنیوں کو درپیش خطرات اور میسر موقع کا بھی جائزہ لیا جائے گا۔
