واشنگٹن : امریکہ کے دارالحکومت واشنگٹن میں بڑھتے ہوئے جرائم اور تشدد کے واقعات کی روک تھام کے لئے قومی محافظوں سے فعال ہونے کی اپیل کی گئی ہے۔واشنگٹن ڈی سی کے افریقہ الاصل اسمبلی ممبر ‘ٹریآن وائٹ’ نے شہر میں تیزی سے بڑھتی ہوئی جرائم کی شرح پر قابو پانے کے لئے ہنگامی حالات کا اعلان کرنے اور قومی محافظوں سے فعال ہونے کی اپیل کی ہے۔وائٹ نے دارالحکومت میں 6 اگست کی مسلح جھڑپ میں 3 افراد کی ہلاکت سے متعلق ذرائع ابلاغ کے لئے جاری کیا اور کہا ہے کہ “واشنگٹن میں انتشار اور لاقانونیت میں اضافہ ہو گیا ہے اور جرائم ہر جگہ پھیل گئے ہیں”۔وائٹ نے کہا ہے کہ “جرم قابو سے باہر ہو گیا ہے اور ہر گزرتے دن کے ساتھ حالات زیادہ خراب ہو رہے ہیں۔ہمیں، اپنے گلی محّلوں میں جرائم اور تشدد کے بارے میں ہنگامی حالات کا اعلان کرنا اور فوری طور پر حرکت میں آنا چاہیے۔ یہ وقت، بچوں اور معصوم انسانوں کے تحفظ کے لئے قومی محافظوں کو ڈیوٹی پر بلانے کا، بالکل درست وقت ہے”۔انہوں نے کہا ہے کہ “اب صرف رات کو ہی نہیں علی الصبح اور دن بھر بھی اسلحے کی آوازیں سنائی دیتی رہتی ہیں۔ پولیس تن تنہا اس صورتحال پر قابو نہیں پا سکے گی۔ میں قومی محافظوں کے ساتھ مذاکرات کر رہا ہوں لیکن کسی نتیجے پر پہنچنے میں وقت لگے گا”۔ٹریآن وائٹ نے کہا ہے کہ “مسلح جھڑپوں سے سب سے زیادہ افریقہ الاصل اور دیگر دوغلی نسل کی کمیونٹیاں متاثر ہو رہی ہیں۔ اگر دو ٹوک الفاظ میں کہا جائے تو یہ لوگ ایک جنگ زدہ علاقے میں رہ رہے ہیں”۔
