حیدرآباد ۔ 15 ڈسمبر (سیاست نیوز) امریکہ کے ٹینیسی ریاست میں پیش آئے ایک خوفناک سڑک حادثہ میں گنٹور ضلع کی تنالی سے تعلق رکھنے والی ایک 26 سالہ لڑکی پریملہ، کی موت واقع ہو گئی۔ پریملہ، جو مقامی کاروباری جوڑے گنیش اور رما دیوی کی دختر تھیں، 2022 میں اعلیٰ تعلیم کیلئے امریکہ گئی تھیں۔ وہ ٹینیسی میں قیام پذیر تھیں اور وہاں ایم ایس (ماسٹرز آف سائنس) کی تعلیم حاصل کر رہی تھیں۔رپورٹس کے مطابق، پریملہ اپنی کار میں سفر کر رہی تھیں جب اچانک ایک ٹرک ان کی کار سے ٹکرا گیا۔ حادثہ اتنا شدید تھا کہ پریملہ موقع پر ہی دم توڑ گئیں۔حادثہ میں کار میں موجود دو دیگر افراد، نکیتھ اور پون، کو بھی شدید چوٹیں آئیں۔ زخمیوں کو فوری طور پر قریبی ہاسپٹل منتقل کیا گیا، جہاں ان کا علاج جاری ہے۔ ڈاکٹروں کے مطابق، ان کی حالت تشویشناک ہے۔پریملہ کے والدین، جو تنالی میں مقیم ہیں، اپنی بیٹی کے انتقال کی خبر سن کر سکتے میں آ گئے ہیں۔ اور پریملہ کی نعش کو ہندوستان واپس لانے کیلئے مدد کی پیشکش کی ہے۔ ابتدائی تحقیقات کے مطابق حادثہ ٹرک ڈرائیور کی لاپرواہی کے باعث پیش آیا۔ پولیس حادثہ کی مزید تحقیقات کر رہی ہے۔ ش
