اٹلانٹا: امریکہ میں ایک سینما ہال کی تعمیرِ نو کے دوران ایک دیوار سے 65 سال پرانا بٹوا برآمد ہوا ہے جس میں رکھے کارڈز اور کچھ پیسے بھی محفوظ ہیں۔امریکی میڈیا کے مطابق یہ انوکھا واقعہ امریکی ریاست جارجیا میں پیش آیا جہاں پلازا تھیٹر کی تعمیرِ نو کے دوران ایک ٹھیکیدار کو دیوار کی مرمت کے دوران اس میں سے بٹوا ملا جسے اس نے سینما کے مالک کرس ایسکوبار کو واپس کردیا۔اس حوالے سے کرس ایسکوبار کا کہنا تھا کہ جس جگہ سے بٹوا ملا ہے وہ ممکنہ طور پر سابق منیجر کے دفتر سے ملحق گمشدہ چیزوں کا ڈیپارٹمنٹ تھا جو طویل عرصے سے تزئین و آرائش کے ذریعے چھپا ہوا تھا۔کرس نے مزید بتایا کہ بٹوا ملنے کے بعد انہوں نے اس کے مالک کے بارے میں آن لائن کچھ تحقیق کی جس پر پتہ چلا یہ بٹوا فلوئے کلبریتھ کا ہے جس کی موت 2005 میں 87 سال کی عمر میں ہوچکی ہے۔
