کیلیفورنیا: امریکی ریاست کیلیفورنیا میں فوجی ہیلی کاپٹر گر کر تباہ ہوگیا جس کے نتیجہ میں 5 فوجی ہلاک ہوگئے ۔امریکی فوج نے سان ڈیاگو کے پہاڑوں میں ہیلی کاپٹر کے حادثہ میں لاپتہ ہونے والے پانچ فوجیوں کی موت کی تصدیق کردی ہے ۔گزشتہ روز حکام نے بتایا تھا کہ سی ایچ 53ای سپر اسٹالین ہیلی کاپٹر جو کہ ہیوی ڈیوٹی مشنز کیلئے بنایا گیا اس کا ایک کرافٹ لاس ویگاس کے باہر کریچ ایئر فورس بیس پر تربیت کے بعد سان ڈیاگو میں میرین کور ایئر اسٹین میرامار پر واپس آتے ہوئے لاپتہ ہوگیا تھا۔حکام کا بتانا ہے کہ فوجی ہیلی کاپٹر تربیتی پرواز پر تھا، حادثے کی وجوہات جاننے کے لیے تحقیقات جاری ہیں۔