جونیو۔/19 اکٹوبر، ( سیاست ڈاٹ کام ) انالاسکا میں ماہی گیر برادری کے ایک دوردراز کے کم آبادی والے جزیرہ میں ایک ایرپورٹ پر لینڈنگ کے دوران طیارہ رن وے سے اُتر گیا جس کے نتیجہ میں کم سے کم ایک شخص ہلاک ہوگیا۔ الاسکا اسٹیٹ ٹروپرس نے مہلوک کی شناخت ڈیوڈ ایلن آلٹ مین کی حیثیت سے کی ہے ۔ یہ 38 سالہ شخص واشنگٹن اسٹیٹ کا ساکن بتایا گیا ہے۔ یہ طیارہ پیننسولا ایرویز یا پین ایر کی طرف سے چلایا جارہا تھا۔ طیارہ میں 42 افراد سوار تھے اور لینڈنگ کے دوران رن وے سے اُترنے کے سبب یہ حادثہ پیش آیا۔
