واشنگٹن: امریکی ریاست فلوریڈا میں ایک چارٹر طیارہ گر کر تباہ ہوگیا جس کے نتیجے 2 مسافر ہلاک اور 3 زخمی ہوگئے۔ امریکی میڈیا کے مطابق حادثہ کا شکار طیارہ ایک چارٹر کمپنی کی ملکیت تھا جس نے ریاست اوہائیو سے پرواز بھری تھی اور نیپلز کے قریب طیارہ کا رابطہ منقطع ہوگیا تھا۔ سرچ آپریشن کے دوران اسی مقام سے طیارے کا ملبہ مل گیا جس میں سے 2 مسافروں کی نعشیں برآمد ہوئیں جب کہ 3 افراد کو شدید زخمی حالت میں اسپتال منتقل کیا گیا۔ ترجمان ایوی ایشن نے بتایا کہ طیارہ کے دونوں انجن فیل ہوگئے تھے اور لینڈنگ سے محض ایک منٹ قبل گر کر تباہ ہوگیا تھا۔ امدادی کاموں کے دوران پروازوں کی آمد و رفت کا سلسلہ معطل رہا۔ طیارہ حادثہ میں ہلاک اور زخمی ہونے والوں کی شناخت ظاہر نہیں کی گئی۔ زخمیوں کی حالت خطرے سے باہر بتائی جا رہی ہے۔ ایک زخمی کو اسپتال میں کرنا پڑا جب کہ دیگر دو کو طبی امداد کے بعد رخصت دیدی گئی۔