واشنگٹن : امریکہ میں قانون نافذ کرنے والے افسران نے نائب صدر کملا ہیرس کی سرکاری رہائش گاہ کے باہر سے ایک مسلح شخص کو گرفتار کیاہے ۔’فاکس نیوز‘ کی ایک رپورٹ کے مطابق گزشتہ روز ڈی سی میٹرو پولیٹن پولیس کو نیول آبزرویٹری کے قریب ایک مشتبہ شخص کی خفیہ اطلاعات موصول ہوئیں جس کے بعد اسے گرفتار کرلیا گیا۔گرفتار شدہ شخص کی شناخت پول مرے کے نام سے ہوئی ہے اور وہ ٹیکساس کے سان انٹونیو سے تعلق رکھتا ہے ۔ اسے پہلے امریکی محکمہ انٹلیجنس سرویسز کے افسران نے گرفتار کیا ، جس کے بعد واشنگٹن پولیس نے اسے اپنی تحویل میں لیکر کارروائی شروع کردی ہے ۔پولیس نے اس کے پاس سے رائفلیں اور گولیاں برآمد کی ہیں۔
