واشنگٹن ۔ 28 مئی (سیاست ڈاٹ کام) امریکہ میں کورونا وائرس سے ہلاک ہونے والے افراد کی تعداد ایک لاکھ سے بھی تجاوز کر گئی ہے۔ امریکہ میں کورونا سے متاثرہ مریضوں کی مصدقہ تعداد بھی تقریباؤ 17 لاکھ ہو چکی ہے۔ جان ہوپکنز یونیورسٹی کے اعداد و شمار کے مطابق دنیا بھر میں کورونا سے متاثرہ مریضوں کی تعداد اب 57 لاکھ کے قریب ہو چکی ہے جبکہ عالمی سطح پر ہلاکتوں کی تعداد بھی تین لاکھ 55 ہزار سے زائد بنتی ہے۔ دنیا بھر میں صحتیاب ہونے والے مریضوں کی تعداد تقریباً24 لاکھ ہے۔
