واشنگٹن ۔ کورونا وائرس سے متاثر ملک امریکہ میں متاثرین کی تعداد دو کروڑ سے تجاوز گئی ہے ۔ جان ہاپکنز یونیورسٹی کے سائنس اینڈ انجینئرنگ سنٹر کے اعداد و شمار کے مطابق ملک میں کورونا متاثرین کی تعداد 2 کروڑ سے تجاوز کر کے 2,01,02,567 ہوگئی ہے ۔ امریکہ میں اس وبا سے اب تک 3,47,542 افراد ہلاک ہوچکے ہیں۔ کیلیفورنیا سب سے زیادہ متاثر ہے جہاں کورونا مریضوں کی تعداد 23 لاکھ سے زائد ہوچکی ہے ۔ جبکہ ٹیکساس) 17.7لاکھ) ، فلوریڈا 13.2) لاکھ) ، نیو یارک (979,000 اور الینوائے میں 963,000 افراد متاثر ہوئے ہیں۔کورونا وائرس سے ہلاک ہونے کے لحاظ سے نیویارک ، نیو جرسی اور کیلیفورنیا میں سب سے زیادہ اموات ہوئی ہیں۔ صرف نیو یارک میں ہی 38,155 افراد کوروناوائرس سے ہلاک ہوچکے ہیں۔ وبا کی وجہ سے اب تک نیو جرسی میں 19,160 افراد اس کے بعد کیلیفورنیا میں 26,093 افراد ، ٹیکساس میں 28,253 افراد اپنی زندگیوں سے ہاتھ دھو بیٹھے ہیں ، جبکہ فلوریڈا میں کووڈ 19 سے 21,673 مریضوں نے اپنی جانیں گنوائی ہیں۔ نیز الینوائے میں 17,978 ، مشی گن میں 13,018 ، میساچوسیٹس میں 12,423 اور پنسلوانیا میں کورونا وائرس سے 16,155 مریضوں نے اپنی زندگیاں گنوائی ہیں۔برطانیہ میں کورونا وائرس کے نئے اسٹرین کی تصدیق کیلیفورنیا ، کولوراڈو اور فلوریڈا میں ہوئی ہے ۔ خیال رہے کورونا وائرس کا یہ نیا اسٹرین 70 فیصد زیادہ متعدی ہے ۔ امریکہ میں ‘فائزر’ اور ‘موڈیرنا’ کی کورونا ویکسین کی منظوری کے بعد ویکسی نیشن مہم بھی بڑے پیمانے پر شروع کردی گئی ہے ۔
