واشنگٹن: گزشتہ روز 3 ہزار سے زائد ہلاکتوں سے امریکہ میں یومیہ بنیادوں پر کورونا سے ہلاک ہونے والوں کا ریکارڈ ٹوٹ گیا۔عالمی خبر رساں ادارے کے مطابق امریکہ میں گزشتہ روز کورونا سے ایک دن میں 3 ہزار 153 ہلاکتیں ہوئیں جو یومیہ بنیادوں پر ہونے والی ہلاکتوں کا ایک ریکارڈ ہے اور جس کے بعد امریکی ہیلتھ ریگولیٹر ادارے نے کورونا ویکسین کے ہنگامی استعمال کی حمایت کر دی۔دنیا بھر میں کورونا سے سب سے زیادہ متاثر ہونے والا ملک امریکہ ہے جہاں 1 کروڑ 49 لاکھ 35 ہزار سے زائد افراد متاثر ہوں چکے ہیں جب کہ اس مہلک وائرس سے ہلاک ہونے والوں کی تعداد 2 لاکھ 83 ہزار سے تجاوز کرگئی ہے اور دن بہ دن صورتحال ابتر ہوتی جارہی ہے۔
