واشنگٹن ۔ 28 مئی (سیاست ڈاٹ کام) امریکی حکومت نے ان غیر ملکی کمپنیوں کو دیا گیا استثنیٰ ختم کر دیا ہے، جو جوہری منصوبوں میں تہران کے ساتھ مل کر کام کر رہی تھیں۔ ان میں یورپی، روسی اور چینی کمپنیاں شامل ہیں۔ امریکی وزیر خارجہ مائیک پومپیو کا کہنا تھا کہ ایسی کمپنیوں کو ایران کے ساتھ اپنی مشترکہ سرگرمیاں بند کرنے کے لیے 60 دن کا وقت دیا جا رہا ہے۔ تاہم بوشہر کے بجلی گھر پر کام کرنے والی غیرملکی کمپنیوں کو 90 دن کی مہلت دی گئی ہے۔ امریکی صدر ڈونالڈٹرمپ نے ایران پر ’زیادہ سے زیادہ‘ دباؤ ڈالنے کی پالیسی اپنا رکھی ہے اور وہ آئندہ صدارتی انتخابات میں اپنے لیے اسرائیلی حمایت بھی حاصل کرنا چاہتے ہیں
