پیرس ۔9 جولائی (سیاست ڈاٹ کام ) امریکہ نے مسلسل دوسری مرتبہ فیفا ویمنز ورلڈ کپ جیت کر جرمنی کا
مسلسل دو مرتبہ خطاب جیتنے کا ریکارڈ برابر کردیا جیسا کہ جرمنی نے 2003ء اور2007ء میں مسلسل دو مرتبہ ورلڈ کپ فٹبال ٹورنمنٹ جیتا تھا۔امریکہ نے اس سے قبل تین مرتبہ1991ء ، 1999ء اور 2015ء میں خطابات حاصل کئے تھے جبکہ 2011ء کے ورلڈ کپ میں اسے جاپان کے خلاف پینلٹی ککس پر شکست کا سامنا کرنا پڑا تھا۔ یہ چوتھا موقع ہے جب امریکی ٹیم نے یہ کارنامہ انجام دیا، امریکی ٹیم اب تک منعقدہ 8 ایونٹس میں سے ریکارڈ پانچ مرتبہ فائنل میں پہنچی ہے جبکہ امریکہ مسلسل 17 میچوں میں ناقابل شکست بھی رہی۔فیفا ویمنز ورلڈ کپ فٹ بال ٹورنمنٹ کے فائنل میں امریکہ نے ہالینڈ کو شکست دیکر مسلسل 17 میچوں میں ناقابل شکست رہنے کا عالمی ریکارڈ قائم کیا ہے۔
