واشنگٹن ۔ ایران پر اقتصادی دبائو ڈالنے کی پالیسی کے تحت امریکہ نے کل جمعرات کے روز ایران کی مزید آٹھ کمپنیوں کو بلیک لسٹ کرنے کا اعلان کیا ہے۔امریکی وزارت خزانہ کی طرف سے جاری کردہ ایک بیان میں کہا گیا ہے کہ ایران کی جن کمپنیوں کو پابندیوں کی فہرست میں شامل کیا گیا ہیان میں زیادہ تر لوہے اور دھاتوں کی تیاری میں کام کرتی ہیں۔وزارت خزانہ کے بیان میں کہا گیا ہے کہ ایران کی چار بڑی کمپنیوں کو بلیک لسٹ کیا گیا ہے۔ یہ کمپنیاں لوہے، اسٹیل اور المونیم اشیا تیار کرتی ہیں۔ان میں ایران کی سب سے بڑی اسٹیل کمپنی بھی شامل ہے۔خیال رہے کہ ایران کی مبارکہ کمپنی 2018ء میں امریکہ میں بلیک لسٹ کی گئی تھی۔ سات دوسرے ممالک نے بھی اکتوبر 2019ء کو ایران کی مبارکہ کمپنی کو دہشت گرد نیٹ ورک کی مدد کے الزام میں بلیک لسٹ کیا تھا۔امریکی وزیر خزانہ اسٹیفن منوچن نے ایک بیان میں کہا ہے کہ ایرانی حکومت منافع بخش ادارں سے حاصل ہونے والی آمدن کو خطے اور پوری دنیا میں عدم استحکام پھیلانے اور اپنے وفاداروں کو مضبوط کرنے لیے استعمال کررہی ہے۔ اس میدان میں ایران میں دھات سازی کے لیے کام کرنے والی کمپنیاں بھی شامل ہیں۔
