امریکہ کا افغان عوام کیلئے نئے امدادی فنڈ کا اعلان

   

واشنگٹن : امریکہ نے افغان عوام کی امداد کیلئے نئے فنڈ کا اعلان کر دیا۔امریکی محکمہ خارجہ کے مطابق افغان فنڈ میں 35 ارب ڈالر کی رقم مختص کی گئی ہے، یہ رقم طالبان کے نہیں بلکہ افغان عوام کے فائدے کے لیے ہے۔محکمہ خارجہ کا کہنا ہے کہ منصوبہ افغان بینک کے ذخائر اور افغان معیشت کو سنبھالنے میں مدد دے گا، افغان فنڈ کی قانون کے مطابق مانیٹرنگ کرتے رہیں گے۔امریکی محکمہ خارجہ نے مزید کہا ہے کہ طالبان منصوبے کا حصہ نہیں ہیں، امریکہ اب بھی افغانستان میں انسانی ہمدردی کی بنیاد پر امداد دینے والا سب سے بڑا ملک ہے۔امریکی محکمہ خارجہ نے یہ بھی کہا ہے کہ امریکی وزارتِ خارجہ، وزارتِ خزانہ اور دیگر عالمی شراکت داروں کے ذریعے مدد فراہم کی جا رہی ہے۔