واشنگٹن ۔ امریکہ کے محکمہ خارجہ نے یمن میں جاری بحران کے خاتمے کے لئے سعودی عرب کے پیش کردہ نئے امن اقدام کا خیرمقدم کیا ہے اورتمام فریقوں پر زوردیا ہے کہ وہ اقوام متحدہ کی نگرانی میں یمن میں جنگ بندی کے لئے مذاکرات کریں۔ محکمہ خارجہ کے ترجمان نے کہا ہے کہ ’’امریکہ سعودی عرب اور جمہوریہ یمن کی حکومت کے یمن میں جنگ بندی اورسیاسی عمل کی بحالی کے لئے عزم کا خیرمقدم کرتا ہے۔‘‘ انھوں نے کہا:’’ہم تمام فریقوں پر زوردیتے ہیں کہ وہ سنجیدگی سے فوری طور پرجنگ بندی کے عزم کا اظہار کریں اور اقوام متحدہ کی نگرانی میں مذاکرات کا آغازکریں۔‘‘ ترجمان نے بتایاکہ ’’امریکہ کے خصوصی ایلچی برائے یمن ٹِم لنڈرکنگ کی قیادت میں ٹیم اقوام متحدہ ، سعودی عرب ، یمنی حکومت،عْمان اور دوسرے علاقائی شراکت داروں سے جامع انداز میں بات چیت کررہی ہے تاکہ جنگ بندی کرائی جاسکے۔‘‘