تو جواب دیں گے : اسحاق ڈار
اسلام آباد۔ 10 مئی (یو این آئی) پاکستان کے نائب وزیر اعظم اور وزیر خارجہ اسحاق ڈار نے کہا ہے کہ امریکی وزیر خارجہ مارکو روبیو نے یہ نہیں کہا کہ اگر ہندوستان دوبارہ حملہ کرتا ہے تو پاکستان جواب نہ دے۔ رپورٹ کے مطابق میڈیا سے خصوصی گفتگو میں اسحاق ڈار نے امریکی وزیر خارجہ مارکو روبیو سے ٹیلیفونک رابطے کی تفصیلات سے آگاہ کیا۔ اسحاق ڈار نے بتایا کہ امریکی وزیر خارجہ نے رابطہ کیا تو میں نے کہا کہ ہم نے جو کچھ کیا جواب میں کیا، مارکو روبیو نے کہا کہ یہ سب کچھ دنیا برداشت نہیں کر سکتی، میں نے کہا کہ بال ہندوستان کی کورٹ میں ہے ۔میں نے کہا کہ ہم نے جواب دینا تھا دے دیا ہے ، اگر ہندوستان روکتا ہے تو ہم بھی روک دیں گے ، اگر ہندوستان نے دوبارہ ردعمل دیا تو پھر ہم بھی جوابی کارروائی کریں گے ۔ نائب وزیر اعظم نے کہا کہ مختلف ممالک نے ہم سے رابطہ کیا ہے ۔ انہوں نے بتایا کہ میں نے امریکی وزیر خارجہ سے کہا کہ ہم نے بہت صبر کیا ہے ، میں نے اپنا مؤقف مارکو روبیو کو کلیئر بتا دیا ہے ، ہم نے اپنی معیشت کو ڈیفالٹ سے نکالا ہے معیشت ترقی کر رہی ہے ، ہماری ترجیح قوم اور معیشت ہے جنگ ہماری ترجیح نہیں۔
