واشنگٹن اور بیجنگ کے مابین بڑھتے ہوئے تناؤ کے تناظر میں امریکہ نے اپنے شہریوں کو چین میں گرفتاریوں کے بڑھتے خطرے سے خبردار کیا ہے۔امریکی محکمہ خارجہ نے اعلان کیا ہے کہ چین میں امریکیوں کو “ریاستی سلامتی” کی وجوہات کی بناء پر تفتیش اور طویل نظربند کیا جا سکتا ہے۔چین میں امریکی شہریوں کو بھیجے گئے ایک بیان میں کہا گیا ہے کہ چینی حکام عوامی تحفظ کو برقرار رکھنے کے لیے مقامی قوانین کے من مانے اطلاق” عمل درآمد کر سکتے ہیں۔سنکیانگ میں مسلمان ایغور اقلیت کو دبانے کا الزام عائد کرنے والے چینی عہدیداروں پر امریکی پابندیاں عاید کئے جانے کے بعد جمعہ کو چین نے واشنگٹن کو جواب دینے کا عزم ظاہر کیا تھا۔بیجنگ نے اعلان کیا تھا کہ وہ واشنگٹن کی جانب سے تبت دورہ میں رکاوٹیں ڈالنے کا الزام عائد کرنے کے بعد امریکی حکام کو ویزا کے اجرا کو محدود کرے گا۔گذشتہ کچھ عرصے سے امریکہ اور چین کے باہمی تعلقات متاثر ہیں۔ خاص طور پر ہانگ کانگ میں سکیورٹی سے متعلق متنازعہ قانون ، کوویڈ کی وبا 19 اور بحیرہ جنوبی چین میں تناؤ دونوں ملکوں میں کشیدگی میں اضافے کا سبب بنا ہے۔