واشنگٹن، 18 نومبر (سیاست ڈاٹ کام) امریکہ نے ایران میں پرامن احتجاجی مظاہروں کی حمایت کرتے ہوئے ایرانی سکیورٹی فورسز کی طرف مظاہرین کے خلاف طاقت کے استعمال کی مذمت کی ہے ۔ وائٹ ہاؤس کی ترجمان اسٹیفنی گریشام نے ایک بیان میں کہا‘‘امریکہ ایران کے لوگوں کے حکومت مخالف پرامن احتجاج کی حمایت کرتا ہے ’’۔ محترمہ گریشام نے کہا کہ امریکہ ایرانی سکیورٹی فورسز کی طرف مظاہرین کے خلاف سخت مواصلاتی پابندیوں کے استعمال کی مذمت کرتا ہے ۔
ایران میں جمعہ کے روز پٹرول کی اضافی قیمتوں کے خلاف مظاہرہ کر رہے ایک احتجاجی کی موت ہو گئی تھی ۔ واضح ر ہے کہ ایک دن قبل ایران کی وزارت خارجہ کے ترجمان عباس موسوي نے امریکہ کے ایران میں مواصلات نظام پر دیے بیان کا ذکر کرتے ہوئے اسے اس کے اندرونی معاملے میں مداخلت بتایا تھا۔امریکی محکمہ خارجہ کے ترجمان مورگن او رٹیگس نے کہا تھا کہ امریکہ ایران میں کافی عرصے سے جدوجہد کر رہے ایرانی لوگوں کی حمایت کرتے ہوئے اس کے انٹرنیٹ بند کرنے کی کوششوں کی مذمت کرتا ہے ۔