عراق : عراق کے وزیراعظم مصطفیٰ الکاظمی نے امریکہ کی طرف سے بغداد میں اپنے سفارت خانے کی وارننگ کی سختی سے تردید کی ہے۔ ان کا کہنا ہے کہ امریکہ کی طرف سے ایسی کوئی وارننگ نہیں دی گئی۔خیال رہے کہ حال ہی میں ذرائع ابلاغ نے بتایا تھا کہ امریکہ نے عراقی حکومت کوخبردار کیا ہے کہ وہ ایرانی حمایت یافتہ ملیشیاوں کے خلاف فوری کارروائی شروع کرے اور انہیں امریکی سفارت خانے اور دیگر تنصیبات پر حملوں سے روکے ورنہ امریکہ اپنا سفارت خانہ بند کرنے پر مجبور ہو جائے گا۔ذرائع ابلاغ سے بات کرتے ہوئے مصطفیٰ الکاظمی نے کہا کہ ہمیں یہ احساس ہے کہ امریکہ کو عراق میں اپنے سفارتی مشنوں کی سیکیورٹی کے حوالے سے پریشانی کا سامنا ہے۔ یہ لوگ ہیں جو عراق کو بند گلی اور گمنام مستقبل کی طرف گھیسٹ رہے ہیں۔ایک سوال کے جواب میں عراقی وزیراعظم نے کہا کہ عراق میں امریکی سفارت خانے اور دیگر تنصیبات پر ہونے والے راکٹ حملوں پر امریکیوں کی پریشانی بجا ہے۔ امریکہ نامعلوم افراد کی طرف سے راکٹ حملوں کی روک تھام چاہتا ہے۔
