واشنگٹن ۔ 25 اکتوبر (ایجنسیز) امریکہ نے کولمبیا کے صدر گستاو و پیٹرو پر منشیات اسمگلنگ اور غیر قانونی سرگرمیوں میں ملوث ہونے کے الزامات کے تحت پابندیاں عائد کر دی ہیں۔ غیر ملکی میڈیا رپورٹس کے مطابق امریکی فیصلے کے نتیجے میں صدر پیٹرو کے امریکہ میں موجود تمام اثاثے منجمد کر دیے گئے ہیں، جبکہ امریکی شہریوں کو ان کے ساتھ کسی بھی مالی لین دین سے روک دیا گیا ہے۔ امریکی حکام کا کہنا ہے کہ یہ اقدام خطہ میں منشیات کی اسمگلنگ اور بدعنوانی کے خلاف واشنگٹن کے عزم کا حصہ ہے۔ دوسری جانب کولمبیا کی حکومت نے اس فیصلے کو سیاسی قرار دیتے ہوئے شدید ردعمل ظاہر کیا ہے۔ صدر پیٹرو کے دفتر سے جاری بیان میں کہا گیا کہ یہ پابندیاں کولمبیا کے اندرونی معاملات میں مداخلت کے مترادف ہیں۔ عالمی تجزیہ کاروں کے مطابق، یہ اقدام امریکہ اور کولمبیا کے درمیان تعلقات میں مزید کشیدگی پیدا کر سکتا ہے۔ واضح رہے کہ ماضی میں بھی امریکی صدر ڈونالڈ ٹرمپ نے بھی کولمبیا پر فنڈنگ بند کرنے اور محصولات میں اضافے کی دھمکیاں دی تھیں۔
