10 تلگو طلبہ پھنس گئے ۔دو حیدرآبادیوں کی ہلاکت ؟
نیویارک ۔ 5 ڈسمبر (ایجنسیز) امریکہ کے برمنگھم شہر میں ایک اپارٹمنٹ کمپلیکس میں بھیانک آتشزدگی کے باعث کئی طلبہ متاثر ہوئے۔ اطلاعات کے مطابق آگ لگنے کے وقت تلنگانہ اور آندھراپردیش کے کم از کم 10 طلبہ عمارت کے اندر پھنس گئے تھے، جبکہ فائر فائٹرز نے بروقت کارروائی میں 13 طلبہ کو بحفاظت باہر نکال لیا۔ تاہم حیدرآباد کے کوکٹ پلی سے تعلق رکھنے والے دو طلبہ ہاسپٹل میں زخموں کی تاب نہ لاکر ہلاک ہونے کی اطلاع ہے۔ بتایا جاتا ہے کہ تمام طلبہ الاباما یونیورسٹی میں زیرِ تعلیم تھے۔ مرنے والوں کی شناخت نہیں ہوسکی۔
