واشنگٹن، 19 جولائی (سیاست ڈاٹ کام) امریکی صدر ڈونالڈ ٹرمپ نے کہا ہے کہ امریکی جنگی جہاز نے آبنائے ہرمز میں ایک ایرانی ڈرون کو مار گرایا ہے ۔ مسٹر ٹرمپ نے جمعرات کو وائٹ ہاؤس میں کہا ہے کہ امریکی بحریہ کے جنگی جہاز یو ایس ایس باکسر نے 1000 گز کے فاصلے کے اندر پرواز کرنے والے اور کئی بار انتباہ کو نظر انداز کرنے والے ایرانی ڈرون کو مار گرایا جس سے امریکی جنگی جہاز کو خطرہ تھا اوراسے مار گرایا جانا ایک دفاعی اقدام تھا۔بعدازاں میں پنٹگان کے چیف ترجمان جوناتھن ہاف مین نے ایک بیان میں کہا کہ یو ایس ایس باکسر نے آبنائے ہرمز میں معمول کی گشت کے دوران مقامی وقت کے مطابق صبح 10 بجے ڈرون کو مار گرایا گیا۔ بیان میں کہا گیا ہے ، ‘‘غیر انسانی ڈرون یو ایس ایس باکسر کے پاس پہنچا تھا ۔جنگی جہاز یو ایس ایس باکسر نے اپنے اور اپنے عملے کی حفاظت یقینی بنانے کے لئے ڈرون کے خلاف دفاعی کارروائی کی۔دریں اثنا، ایران کے وزیر خارجہ۱ محمد جواد ظریف نے اقوام متحدہ کے ہیڈکوارٹر میں صحافیوں کو بتایا،‘‘ہمارے پاس ڈرون کے کھونے کے سلسلے میں کوئی معلومات نہیں ہے ‘‘۔