نیویارک: امریکہ کے یوم آزادی پر فائرنگ کے مختلف واقعات میں ایک سو پچاس افراد ہلاک ہوگئے ہیں۔امریکی میڈیا کے مطابق جمعہ سے اتوار کی رات تک امریکہ میں فائرنگ کے چار سو سے زائد واقعات کی خبر ملی۔سب سے بڑی آتش بازی نیو یارک میں کی گئی جو65 ہزار فائرورک پر مشتمل تھی اور اسے پانچ بڑے جگاہوں پر لگایا گیا تھا۔رپوٹ کے مطابق نیویارک میں فائرنگ کے 21 واقعات پیش آئے جن میں 26 افراد ہلاک اور متعدد زخمی بھی ہوئے۔ شکاگو میں فائرنگ سے چودہ افراد ہلاک 83 زخمی ہوگئے ہیں۔ 19سالہ لڑکا زخمی ہو گیا جس کو تشویشناک حالت میں اسپتال منتقل کر دیا گیا ہے۔ بچہ ایک بازو سے معذورہو گیا ہے۔ہیوسٹن میں 29 سالہ خاتون فائرنگ میں چہرے پر چوٹیں لگنے کی وجہ سے اسپتال منتقل کر دی گئی۔ اسی دوران ایک حاملہ خاتون اور اس کا 3 سال کا بیٹا پڑوس میں آتش بازی ہونے کی وجہ سے جل گئے۔میشی گن کے شمال مغرب میں سینے پر فائر لگنے سے ایک شخص جان کی بازی ہار گیا۔ پولیس کے مطابق موت کا سبب قریب میں ہونے والی فائرنگ سے نکلنے والی گولی ہے۔