ماسکو ؍ واشنگٹن ۔ امریکہ اور روس کے وزرائے خارجہ کے درمیان ٹیلی فون پر بات چیت ہوئی ہے جس میں قیدیوں کے تبادلے اور یوکرین کی صورتحال پر تبادلہ خیال کیا گیا۔ روسی میڈیا کے مطابق روسی وزیر خارجہ سرگئی لاروف نے کہا ہے کہ یوکرینی فوج کو اسلحے کی فراہمی تصادم کو طول اور نقصانات میں اضافہ کرے گی۔ روسی وزیر خارجہ کا کہنا ہے کہ امریکی پابندیوں نے موجودہ صورتحال کو پیچیدہ بنا دیا ہے۔ روسی وزیر خارجہ نے امریکی ہم منصب کو قیدیوں کے تبادلے پر خاموش سفارتکاری اپنانے کی دعوت دی ہے۔ مشترکہ اعلامیہ کے مطابق گلوبل فوڈ سیکوریٹی کو یقینی بنانے پر بھی تبادلہ خیال کیا۔
