واشنگٹن : امریکی بحریہ کے مطابق اس کی ایک ایٹمی آبدوز کے بحیرہ جنوبی چین میں کسی نامعلوم شے سے ٹکرانے کے واقعہ کی تفتیش شروع کر دی گئی ہے۔ اس حادثے میں تقریباً ایک درجن فوجیوں کو ’معمولی زخم‘ آئے ہیں۔امریکی بحریہ کے کمان کے تحت کام کرنے والے امریکی بحرالکاہل بیڑے نے ایک بیان میں کہا ہیکہ اس کی ایٹمی آبدوز یو ایس ایس کنیکٹی کٹ ساوتھ چائنا سمندر میں معمول کی سرگرمیوں کے دوران کسی نامعلوم شئے سے ٹکراگئی تھی۔ آبدوز کی حالت مستحکم ہے اور کوئی جانی نقصان نہیں ہوا ہے۔ تاہم بحریہ کی خبریں دینے والی ایک ایجنسی یو ایس این آئی نیوز کے مطابق تقریباً ایک درجن فوجی جوان’’معمولی چوٹ‘‘ کیساتھ زخمی ہوئے ہیں۔
