صنعاء : یمن کے ایرانی نواز حوثیوں نے بحیرہ احمر میں اپنے حملے جاری رکھتے ہوئے گزشتہ روز دعوی کیا ہے کہ انہوں نے ایک جہاز کو میزائل حملے سے نشانہ بنایا ہے جس کی شناخت کونٹ شپ کے نام سے ہوئی ہے۔حوثیوں کے ترجمان یحییٰ ساری نے بتایا ہے کہ بحیرہ احمر میں ایک دیگر امریکی میزائل بردار بحری جہاز کو بھی حوثیوں کی فضائیہ نے نشانہ بنایا ہے۔بتایا گیا ہے کہ نشانہ بننے والا جہاز لائبریریا پرچم بردار تھا جو کہ بحیرہ احمر سے گذر رہا تھا۔واضح رہے ایرانی نواز حوثیوں نے بحیرہ احمر، باب المندب اور خلیج عدن میں پچھلے سال ماہ نومبر سیجہازوں پر حملے شروع کر رکھے ہیں۔حوثیوں کا کہنا ہے کہ وہ غزہ کے فلسطینیوں کے ساتھ اظہار یکجہتی کے لیے اسرئیل اور اس کے اتحادیوں کے جہازوں کو نشانہ بنا رہا ہے۔اس صورت حال میں جہازوں نے لمبے راستے سے نقل و حمل کرنا شروع کر دی ہے تاہم یہ نیا راستہ کاروباری کمپنیوں کو مہنگا پڑ رہا ہے۔
