امریکی خاتون کی 5 سالہ بچے کو زبردستی کار کی ڈگی میں بند کرنے کی ویڈیو وائرل

   

واشنگٹن: امریکی خاتون چیلیسا تروجیلو نے اپنے ہی کمسن بچے کو گاڑی کی ڈکی میں بند کرکے سفاکیت کی انتہا کردی۔غیر ملکی میڈیا کے مطابق پانچ سالہ بچے کو ڈکی میں بند کرنے کا افسوسناک واقعہ امریکی ریاست کولوراڈو کی ایک سپر مارکیٹ کے پارکنگ ایریا میں پیش آیا، جس کی ویڈیو بھی سوشل میڈیا پر وائرل ہوگئی۔ویڈیو پارکنگ ایریا میں دیگر شہریوں نے بنائی اور خاتون کو مجبور کیا کہ وہ بچے کو ڈکی سے باہر نکالنے، لوگوں کی مداخلت کے باعث خاتون نے بچے کو ڈکی سے باہر نکالا۔سوشل میڈیا پر شیئر ہونے والی ویڈیو میں دیکھا جاسکتا ہے کہ ایک خاتون سن 2000 ماڈل کی شیورلیٹ کار کی ڈکی میں ایک بچے کو بند کررہی ہے۔ڈکی میں بند بچے مدد کیلیے چیخ و پکار بھی واضح طور پر سنی جاسکتی ہے، بچے کی مدد کی پکار سن کر وہاں موجود دیگر افراد نے بچے کو ڈگی سے نکلوایا اور ویڈیو انٹرنیٹ پر شیئر کردی۔