واشنگٹن۔26 جون (سیاست ڈاٹ کام) معاشی عدم مساوات اور ماحولیاتی تبدیلیوں کے حوالہ سے صورتحال کو بہتر بنانے کے لیے امریکہ کے امیر ترین شہریوں نے امیر طبقے پر عائد دولت ٹیکس کی شرح میں اضافے کا مطالبہ کیا ہے ۔فرانسیسی خبر رساں ایجنسی کی رپورٹ کے مطابق دولتمند امریکی شہری جن میں ممتاز سرمایہ کار جارج سوروز، فیس بک کے شریک بانی کرس ہگیز اور ارب پتی چارلی منگر کی بیٹی مولی منگر بھی شامل ہیں، نے امریکہ کے ممکنہ صدارتی امیدواروں کے نام ایک کھلے مکتوب میں ان سے مطالبہ کیا ہے کہ وہ ملک کے امیر طبقہ پر عائد دولت ٹیکس کی شرح میں اضافہ کے لئے درکار قانون سازی کی حمایت کریں۔خط میں کہا گیا ہے کہ امریکہ کی اخلاقی ذمہ داری ہے کہ وہ ہم سے مزید دولت ٹیکس وصول کرے ۔