روم:کورونا وائرس سے بدترین طور سے متاثر ا ٹلی نے کووڈ۔19 کی وجہ سے بند سرحدیں کھولنے کے بعد 11 امریکی سیاحوں کو ملک میں داخل ہونے سے روک دیا، امریکی سیاح یکم جولائی کو نجی طیارے سے اٹلی پہنچے تھے ۔اٹلی کا یہ اقدام اس فیصلہ کا نتیجہ ہے جس میں یوروپی یونین نے یکم جولائی کو کچھ ملکوں کے شہریوں کو یورپی ملکوں میں داخلہ کی اجازت دی تھی، اس فہرست میں امریکہ شامل نہیں ہے ۔ذرائع کے مطابق روکے گئے 11 سیاحوں میں سے 5 امریکی شہری ہیں جنھیں بعد میں بھی اٹلی میں داخلہ کی اجازت نہیں ملی جبکہ دیگر 6 سیاحوں کو اٹلی کے دیگر علاقوں میں جانے سے قبل دو ہفتے کیلئے قرنطینہ سینٹر منتقل کردیا گیا ہے ۔
