واشنگٹن : امریکی ریاست ورجینیا کے ہیریسن برگ میں واقع ایک شاپنگ سینٹر میں گیس پھٹنے سے کالج کے 3 طلباء سمیت پانچ افراد زخمی ہوگئے ۔مقامی میڈیا نے اتوار کو اپنی رپورٹ میں یہ اطلاع دی۔سرکاری ترجمان مائیکل پارکس نے بتایا کہ جیمز میڈیسن یونیورسٹی کیمپس کے قریب واقع ایک شاپنگ سینٹر میں ہفتہ کے روز ہونے والے دھماکے کے بعد عمارت میں آگ لگ گئی جو قریب ہی دو دیگر تجارتی عمارتوں میں پھیل گئی۔ آگ سے کافی نقصان کی اطلاعات ہیں۔انہوں نے بتایا کہ اس واقعہ میں پانچ افراد زخمی ہوئے ہیں۔ زخمی ہونے والوں میں تین جیمز میڈیسن یونیورسٹی کے طالب علم ہیں۔
