واشنگٹن : امریکہ نے پاکستان کیلئے سفری پابندیاں نرم کر دیں۔ ا مریکی محکمہ خارجہ نے پاکستان کے لیے اپنی ٹریول ایڈوائزری پر نظرثانی کرتے ہوئے اسے ’سفر نہیں کریں‘ سے اپ گریڈ کرتے ہوئے ’غیر ضروری سفر سے گریز کریں‘ کی فہرست میں شامل کرلیا۔ نظرثانی دراصل ‘لیول فور’ سے ‘لیول تھری’ کی جانب پیشرفت ہے، اگرچہ یہ کوئی بڑی تبدیلی نہیں سمجھی جاتی لیکن پھر بھی قابل ذکر بہتری ہے۔ تازہ ترین ٹریول ایڈوائزری کے مطابق پاکستانی سکیورٹی فورسز نے انسداد دہشت گردی اور انسداد عسکریت پسندی کے لیے موثر آپریشنز کیے، 2014 کے بعد سے پاکستان کا سکیورٹی ماحول بہتر ہوا ہے۔ محکمہ خارجہ نے امریکی شہریوں پر زور دیا کہ وہ دہشت گردی اور اغوا کی وجہ سے سابق فاٹا، بلوچستان اور خیبر پختونخواہ کا سفر نہ کریں۔
