واشنگٹن : 5 اکٹوبر ( ایجنسیز ) امریکہ کے صدر ڈونالڈ ٹرمپ رواں مہینے کے آخر میں اور ایشیا پیسیفک اکنامک کوآپریشن (APEC) سربراہی اجلاس سے پہلے جنوبی کوریا کا دورہ کرنے پر غور کر رہے ہیں۔میڈیا کے مطابق ٹرمپ،سربراہی اجلاس سے قبل جنوبی کوریا اور چین کے ساتھ مذاکرات کریں گے ۔اجلاس31 اکتوبر تا 1 نومبر گائیونگجو میں متوقع ہے ، اس لئے وہ مرکزی نشست میں شرکت کیے بغیرواپسی کیلئے روانہ ہو جائیں گے۔حکومتی پارٹی کے ایک عہدیدار نے میڈیا کوٹیلی فون پر بتایا ہے کہ صدر ٹرمپ کے 29 اکتوبر کو پہنچنے اور گائیونگجو کا دورہ کرنے کی توقع ہے۔تاہم، ان کانظام الاوقات ابھی تک حتمی نہیں ہوا ہے اوراس معاملے پرجنوبی کوریا اور امریکہ کے درمیان بات چیت جاری ہے۔جنوبی کوریا کے متوقع دورہ سے پہلے، ٹرمپ26سے28 اکتوبر تک ملائیشیامیںآسیان سربراہی اجلاس میں شرکت کریں گے اور اس کے بعد جاپان کا سفر کریں گے۔سفارتی ذرائع نے امکان ظاہر کیا ہے کہ جاپان کے بعد ٹرمپ جنوبی کوریا کا ایک روزہ دورہ کرسکتے ہیں۔ایک حکومتی عہدیدار نے کہا ہے کہ 29 تاریخ کو آمد کے بعد ان کی روانگی کب ہو گی ، اس بارے میں ابھی تک کوئی تصدیق نہیں ہوئی ہے۔
