امریکی صدر اور ان کے اتحادیوں کی جانب سے رپورٹس کو’فیک نیوز‘ قرارد یا گیا
واشنگٹن :امریکی صدر ڈونلڈ ٹرمپ کو ان رپورٹس پر شدید ردعمل اور تنقید کا سامنا کرنا پڑ رہا ہے جس میں انھوں نے دوران جنگ مرنے والے امریکی فوجیوں کو ’ہارے ہوئے‘ اور ’احمق‘ کہہ کر ان کا مذاق اڑایا ہے۔یہ مبینہ ریمارکس پہلی بار اٹلانٹک میگزین میں شائع ہوئے جبکہ ایسوسی ایٹڈ پریس اور فاکس نیوز نے کچھ تفصیلات کی تصدیق کی ہے۔لیکن صدر اور ان کے اتحادیوں کی جانب سے اس کر تردید کی گئی ہے۔ان رپورٹس کے بعد صدر ٹرمپ پر تنقید کرنے والوں میں سابق فوجی بھی شامل ہیں۔ پروگریسو گروپ ووٹ ویٹس نے ایسے خاندانوں کی ویڈیو شئیر کی ہے جن کے بچے جنگ میں مارے گئے۔ اس ویڈیو میں گہا گیا ہے کہ ’آپ کو نہیں معلوم کے قربانی دینا کیا ہوتا ہے۔‘عراق اور افغانستان میں جنگ لڑنے والے سابق امریکی فوجی پال ریکہاف نے ٹویٹ کی اور دریافت کیا کہ کون اس سے حیران ہوا ہے؟‘تجزیہ کاروں کا کہنا ہے کہ ایسے وقت میں جب ڈونلڈ ٹرمپ کو دوبارہ صدر منتخب ہونے کے لیے فوجی ووٹرز کی ضرورت ہے، یہ ریمارکس صدر ٹرمپ کے لیے نقصان دہ ثابت ہو سکتے ہیں۔اٹلانٹک میگزین کے مطابق سنہ 2018 میں ٹرمپ نے پیرس میں ایک امریکی قبرستان کا دورہ منسوخ کر دیا اور کہا ’یہ ہارنے والوں سے بھرا ہوا ہے۔‘
چار ذرائع نے میگزین کو بتایا کہ انھوں نے دورہ کرنے کے خیال کو اس لیے مسترد کیا کیونکہ بارش سے ان کے بال خراب ہو سکتے تھے اور وہ اس بات پر یقین نہیں رکھتے کہ امریکی جنگ میں مرنے والوں کا احترام لازم ہے۔اسی دورے کے دوران صدر نے مبینہ طور پر بیلیو ووڈ میں مرنے والے 1800 امریکی فوجیوں کو ’احمق‘ قرار دیا۔ اس جنگ کی بدولت پہلی عالمی جنگ کے دوران پیرس پر جرمنی کی ایک پیش قدمی کو روکنے میں مدد ملی تھی اور امریکی بحری افواج میں اسے انتہائی عزت و احترام کی نگاہ سے دیکھا جاتا ہے۔سنہ 2018 میں وائٹ ہاؤس نے کہا کہ یہ دورہ اس لیے منسوخ کیا گیا کیونکہ خراب موسم کی وجہ سے صدر کا پیلی کاپٹر گراؤنڈ کر دیا گیا تھا۔ یہ سارا واقعہ صدر ٹرمپ کے قومی سلامتی کے سابق مشیر جان بولٹن نے بھی اپنی حالیہ کتاب میں بیان کیا ہے جو صدر ٹرمپ پر کھل کر تنقید کرتے رہے ہیں۔