واشنگٹن ۔ 5 جون (سیاست ڈاٹ کام) ایران کی جانب سے امریکی فوجی آزاد کرنے پر صدر ڈونالڈٹرمپ نے ایران کا شکریہ ادا کرتے ہوئے کہا ہے کہ لگتا ہے معاہدہ ممکن ہے۔ڈونالڈٹرمپ نے سوشل میڈیا پر ایک پیغام میں لکھا کہ جب سے وہ صدر بنے ہیں 40 سے زائد امریکی قیدیوں یا یرغمالیوں کو واپس لایا جا چکا ہے۔انہوں نے ایران کی جانب سے رہا کئے گئے امریکی فوجی قیدی سے فون پر بات کرنے کی بھی تصدیق کی اور لکھا کہ مائیکل وائٹ بہت جلد امریکہ پہنچ جائے گا۔غیر ملکی خبر ایجنسی کے مطابق امریکی نیوی اہلکار مائیکل وائٹ کی رہائی ایرانی سائنسدان سائرس اصغری کی رہائی کے بعد عمل میں آئی ہے۔واضح رہیکہ امریکی نیوی اہلکار مائیکل وائیٹ دو سال پہلے اس وقت گرفتار کیا گیا تھا جب وہ ایرانی دوست سے پہلنے یہاں پہنچا تھا۔ اس پر ایرانی سپریم لیڈر آیت اللہ خامنہ ای کی توہین کا الزام تھا۔
