غزہ:امریکہ کی جانب سے اسرائیل کو فراہم کیا گیا دفاعی نظام بری طرح ناکام ہوگیا، آئرن ڈوم سسٹم نے تل ابیب پر ہی میزائل داغ دیا۔میڈیا رپورٹس کے مطابق اسرائیل کا دفاعی نظام جو آئرن ڈوم کے نام سے مشہور ہے تل ابیب پر ہی میزائل داغ دیا، اسرائیلی دفاعی نظام حماس کے موثر ترین میزائل حملے روکنے میں بھی بری طرح ناکام رہا ہے۔سوشل میڈیا پر وائرل ویڈیوز میں اسرائیلی دفاعی نظام سے فائر ہونے والے میزائل کو یو ٹرن لے کر تل ابیب پر گرتے ہوئے دیکھا جا سکتا ہے، میزائل گرنے سے پراپرٹی کا نقصان ہوا تاہم کوئی جانی نقصان نہیں ہوا۔ واضح رہے کہ اسرائیل نے 10مختلف مقامات پر دفاعی نظام نصب کررکھا ہے، یہ دفاعی نظام 60اسکوائر میل تک دفاعی صلاحیت رکھتا ہے، دفاعی نظام امریکا نے اسرائیل کو فراہم کیا تھا۔
