واشنگٹن :امریکی وزیر دفاع اور پینٹاگون چیف جنرل (ریٹائرڈ) لائیڈ آسٹن ایک بار پھر ہاسپٹل منتقل ہو گئے ہیں۔ پینٹاگون کے مطابق امریکی وزیر دفاع کو مثانے میں شدید تکلیف کے باعث ہاسپٹل منتقل کیا گیا ہے۔ میڈیا رپورٹس کے مطابق امریکی وزیر دفاع لائیڈ آسٹن ہاسپٹل میں آئی سی یو میں زیر علاج ہیں۔ رپورٹس کے مطابق پینٹاگون کا کہنا ہے کہ لائیڈ آسٹن کی جگہ کیتھلین ہکس فرائض انجام دیں گے۔واضح رہیکہ گذشتہ ماہ کے آغاز میں بھی لائیڈ آسٹن طبعیت ناساز ہونے کے باعث ہاسپٹل منتقل ہو گئے تھے انہیں کینسر کے علاج میں پیچیدگیوں کا سامنا تھا۔ امریکی وزیر دفاع بیماری کے باعث دو ہفتے تک والٹر ریڈ ہاسپٹل میں زیر علاج رہنے کے بعد گھر واپس آ گئے تھے۔