واشنگٹن: امریکی وزیر خارجہ مائیک پومپیو نے اپنے روسی ہم منصب سیرگئی لاوروف سے ٹیلی فون پر بات چیت کی ہے۔ دونوں وزرائے خارجہ نے افغانستان کی صورتحال پر تبادلہ خیال کیا۔ محکمہ خارجہ کے مطابق پومپیو نے چند دن قبل سامنے آنے والی ان رپورٹس کا بھی تذکرہ کیا، جن کے مطابق روس نے امریکی افواج و اہداف کو نشانہ بنانے کے لیے طالبان اور دیگر جنگجوؤں کو رقوم دیں۔ ابتداء میں واشنگٹن حکومت نے ایسی رپورٹس کو یہ کہتے ہوئے مسترد کر دیا تھا کہ ان کے پاس ایسی کوئی انٹیلیجنس اطلاع نہیں۔ امریکی وزیر خارجہ نے نومبر میں ہونے والے آئندہ صدارتی الیکشن میں سلامتی کے حوالے سے بھی بات چیت کی۔
